DENBORA PASEN

erantzunak

HIZKI ZOPA

hauu.png

1: txokolatea          2: ogia          3: melokotoia          4: izozkia

 

5: arraina               6: sagarra    7: gazta                    8: flana

BOST DESBERDINTASUNAK

hauu.png

1: alarmaren kolorea

2: alarmaren inguruko marrak

3: irakaslearen mahaiko liburua

4: ikasle baten mahaiko margoak

5: ikasle baten gonaren luzera

ASMAKIZUNA

Ez da dendaria

ez da dantzaria

eta berak egunero 

prestatzen ditu

gosaria, afaria 

eta bazkaria.

(sukaldaria)

TXISTEAK

EGILEAK: Xabier Epelde, Andoitz Escudero eta Aimar Alberdi

 

AMA BAT BESTERIK EZ DAGO

Behin, Jaimito ikastolan zegoen eta andereñoak esan zion:

- Biharko idazlan bat “ama bat, besterik ez dago” izenburua izango duena egin behar duzue.

 

Hurrengo egunean, denek ozen irakurri zuten idatzitakoa. Jaimitori egokitu zitzaionean, hau esan zuen: 

- Nire ama eta ni etxean ginen, amak esan zidan hozkailutik bi garagardo ekartzeko. Hozkailuan bakar bat zegoenez nik esan nion: “Ama, bat besterik ez dago!”

PUZKERRA

Gizon bat medikuarengana joan zen eta esan zion:

- Mediku jauna, arazo bat daukat. Nire puzkerrek ez dute usainik.

- Hori ez da posible. Bota ezazu bat oraintxe bertan!

- Pppppprrrrrrrrrrr!

- Hori larria da. Ebakuntza behar duzu.

- Ipurdian?

- Ez, gizona, sudurrean.

Euskara sakontzen ikasgaian sortutako istorioa

EGILEAK: Ainhoa Otaño eta Xabier Aizpuru

NAHI GOGOTSUA

 

Bazen behin, Filomena izeneko emakume bat, beti doministiku egiten zuena. Oso bakartia zen, inork ez zuelako nahi berarekin egon. Besteek bera bezala ez zuten gaixotu nahi. Neska bakarrik bizi zen eta bere familia oso urrun zegoen, txikia zenetik utzi zutelako. Filomenak ez zuen nahi beste pertsonak kutsatzerik eta arazo gehiago sortzerik. 

 

Egun batean, Filomena farmazira joan zen botika baten bila. Baina farmazilariak ez zeukan bera sendatuko zuen botikarik. Emakumea goibel zegoen eta esperantzarik gabe geratu zen. Bizirik segitzeko arrazoirik gabe. Gauean, bere etxera bidean zegoela, bat-batean, gizon misteriotsu bat hurreratu zitzaion. Gaua iluna zenez, ez zitzaion nabaritzen nolakoa zen, bakarrik beltzez jantzita zegoela antzeman zuen. Gizonak esan zion:

— Jan ezazu sendatuko zaituen sagar magiko hau, eta usin egiteari utziko diozu.

    Neska sagarra gogotsu jan zuen, baina usinka jarraitu zuen.

— Atxis, atxis, atxis! Gezurti bat zara! Atxis, Atxis…

— Hartu tapaki bat eta egon zaitez lasai hurrengo egunera arte -Esan zuen gizonak.

 

Filomenak gizonak esandakoa egin zuen eta berak esan zuen bezala sendatu egin zen. Bi egun geroago, gizonari eskerrak ematera joan zen azkenengoz ikusi zuen tokira. Hortik aurrera ez zuen gehiago ikusi.

 

Ondoren, poliki-poliki lagunak egiten hasi zen eta gainera, neska-lagun bat eduki zuen, Filomenarekin ezkonduko zena, eta oso pozik bizi izan zen. Baina, gizon hark sagarra jateko esan zionetik, emakumea ohartu zen gero eta zaharrago egiten ari zela denbora gutxian. 

Egun arrunt batean, Filomena seguru zegoen gertatzen ari zitzaiona ez zela normala; azala zimurrez beteta eta amnesia edukitzen hasi zelako arrazoirik gabe. Orduan, goiz batean, gizona lehen aldiz aurkitu zuen lekura berriro joan zen, aurkitzeko nahiarekin eta bertan zegoen.

 

Filomenak gizona askoz garbiago ikusten zuen. Sorgin itxurako aurpegia zuen eta bere eskuineko begian orbain desatsegin bat zeukan. Beldur asko ematen zuen, ez bakarrik zeukan itxurarengatik, baizik eta adierazten zuen giro gaiztoarengatik. Filomenak ez zuen sinisten hark emandako sagarra jan zuenik. Gizon beldurgarriak Filomenak jarritako aurpegia ikustean barre egin zuen.

— N-n-nor za-ara z-zu? -Galdetu zuen neskak, urduri. 

— Sagar gozo hura eman zizun pertsona naiz. Oso erraza izan zen zuk sagarra     

    tutik esan gabe jatea, zer zen eta zer egingo zizun jakin gabe. Zergatik zaude 

    orain hain urduri neskatxo? Zergatik etorri zara nire bila? -Esan zuen gizonak

    irribarre zabal batekin.

— Z-zer egi-ingo di-it? -Esan zuen Filomenak, kezkatuta.

— Beraz, horregatik etorri zara. Zahartzen ari zarela sentituko duzu. Neskatxo

    gaixoa… Hil egingo zara egun hauetako batean. Bihotzekoak emango dizu eta

    oso gazte hilko zara -erantzun zion gizonak.

— Baina ez zidazun ohartarazi! -Esan zuen haserre Filomenak.

— Ez zidazun galdetu ere egin! -Oihukatu zuen gizonak- Kontuz ibili beharko zinen,

    nirekin ez zara haserretuta egon behar, zure buruarekin baizik! Nik zu izanda

    bizirik egongo zaren atzenengo uneak aprobetxatuko nituzke!

 

Filomena hitzik gabe geratu zen. Zur eta lur. Bakarrik negar egiteko gogoa zeukan. Negar eta negar. Gizonak joan baino lehenago Filomenari esan zion kontu handiagoa edukitzeko pertsona ezezagunekin. Denbora gutxian, gizonak esan zuena bete zen.

Egia bada, sakelan sar eta gezurra bada, kontuan ez har.

hauu.png

ASMAKIZUNAK

EGILEAK: Xabier Epelde, Andoitz Escudero eta Aimar Alberdi

1. Niri emandako ostikoei esker, egiten dituzte horiek jokaldi ederrak. Zer da? 

2. Gogorra eta eztia, gabonetako jakia. 

3. Maindire bat, harizkoa ez; guztia estaltzen du eta ura ez. 

4. Bi mendiren artean tiro zaratatsua, sudurra itxiarazten duen tiro usaintsua. Zer da? 

5. Ez naiz tronpeta, baina tronpeta batek bezala jotzen dut, ez naiz eskopeta, baina eskopeta batek bezala bi kanoi ditut. Zer naizen badakizu? 

ERREZETA

EGILEAK: Itsaso Agirre, Mikel Astigarraga eta Intza Paredes

MADALENAK

 

Osagaiak

  • 4 arrautza

  • 250 gr. azukrea

  • 200 gr. Irin

  • 1/2 baso oliba olio birjina estra

  • 1 sake gozogintza hautsarekin

 

Elaborazioa

Jarri 4 arrautzak ontzi batean. Gehitu 200 gr. azukre eta irabiagailu elektrikoarekin irabiatu. Isuri olioa pixkanaka-pixkanaka batituz jarraitu.

 

Beste ontzi batean legamia irinarekin nahastu. Pasatu nahasketa iragazki batetik eta gehitu arrautzak masari. Nahastu mugimendu inguratzaileekin eta beti norabide berean.

 

Jarri orea pastel poltsan eta bete paper moldeak. Jarri muffin bakoitzari azukre pixka bat eta sartu aurretik berotutako labean, 180 º C-tan, 15-18 minutuz.

 

Nahi baduzu, apaindu ahal dezakezu menta hostoekin.

 

Aholkuak

Nahasgailu elektrikorik ez baduzu, arrautza gorringoak irabiatu behar dituzu alde batetik azukrea eta olioa eta bestetik zuriak. Nahastu bi oreak eta sartu irina legamiarekin.

OIN HANDIA IRAURGIN!

EGILEAK: Xabier Aizpuru, Jone Arriaran, Ainhoa Otaño eta Maite Otaño

 

Aurkikuntza harrigarria:

OIN HANDI BATEN OINATZAK AURKITU DITUZTE

_________________________________________________________________________

Aurreko asteko igandean, Euskal Herriko Iraurgi Ikastetxeko

ikasleek oin handi baten oinatzak aurkitu zituzten. 

 

Iraurgi Ikastetxean, Azpeitian kokatua, ikasle batzuek

aurreko asteko goizaldean aurkitu zuten arrastoa.

Harrituta, haien irakasleei deitu zioten eta hauek bertako

udaltzaingoari abisatu zioten. Oinatzen luzerak

45 zentimetro neurtzen dute eta aztarnak topatu dituzte

    eskolako atzealdeko patioan. Udaltzaingoak ere harrituta

geratu ziren aurkikuntzarekin eta inguruneetan proba

gehiago egiten egon ziren. Mendi aldera, zuhaitz

baten adarrak puskatuta ikusi zituzten eta oinatz gehiago.

 

Egun hauetan, gobernuaren laguntzarekin arrasto gehiagoren bila dabiltza. Ideia desberdinak daude pertsonen buruetan, batzuek pentsatzen dute gezurra dela eta beste batzuek, berriz, egia. Manifestazio asko egon dira, pertsonak dirua alferrik gastatzen ari direla esaten dutelako. Jendea nazkatzen hasi da kontu honekin. Halere, aztarna gehiago azaltzen ari dira, hala nola, ile mordoa azaldu da eskolaren inguruan dauden mendietan eta zuhaitzen enbor batzuk marratuta eta puskatuta ageri dira.

 

Atzo, arkeologo adituek arrastroak ikertu ondoren, aurkikuntza misteriotsuak eta arraroak zirela esan zuten. Geroztik, ikertzen jarraitu dute, aztarna gehiago aurkitzeko helburuarekin. Baina udaltzainek

aldarrikatu zuten bilaketa bukatu egingo zutela ,

argi eta garbi adierazi zuten oin handia ez

dela existitzen. Hala eta guztiz ere, pertsona

batzuk oraindik pentsatzen dute ez dela egia

udaltzainek esandakoa eta gobernuak hori

esan zuela herritarrak lasaitzeko. 

 

Gaur goizean, behin betiko ikerkuntza itxi da eta Iraurgi Ikastetxean aurkitutako aztarna ia guztiak desagertu egin dira, seguruenik beste leku batzuetan legez kontra saltzeko. 

 

Gai honi buruzko teoria eta ideia asko daude, batzuek uste dute dena gezur hutsa dela; beste batzuek, ordea, biziki pentsatzen dute egia izan daitekeela, horretan sinesten baitute. 

Oraindik, ez dugu jakingo zehazki egia edo gezurra al den, baina ikusten baduzu oinatzik Azpeitiko mendi inguruetan kontuz ibili! Beharbada oin handia inguruan egongo delako.

azpeitia-alarga-1.jpg
huella.png